Post

Visualizzazione dei post da 2017

Jazz e poesia a manu tenta. Arte improvisada in Belchidda

Immagine
BELCHIDDA. «A improvisare non si improvisat». L’at naradu Pàulu Fresu cara a su pùblicu acudidu a su sartu de Abialzos – in ue b’est sa crèsia de Santa Caderina – pro sa gara poètica de mesaustu chi est torrada a èssere un’apuntamentu fissu de su Time in Jazz. A si disafiare Brunu Agus e Diegu Porcu.  «Sunt sos poetas – at annantu su musitzista – sos chi fràigant s’archètipu de su contu. Lu faghent cun sa melodia e mescamente cun su testu. E b’at sintonia manna cun su jazz, mùsica improvisada ma chi netzèssitat de unu canavatzu e de una connoschèntzia funduda».  Faeddos chi non sunt diferentes meda dae sos de Amiri Baraka, su poeta-iscritore militante chi sesteit una sotziologia de sos afro-americanos pro mèdiu de sa mùsica issoro. «Sos primos càntigos de traballu – gasi in “Blues people” – fiant improvisados e, sena duda peruna, in su jazz, una fràsia melòdica est sighida dae unas cantas rispostas o cummentos improvisados movende dae su tema printzipale».  Cale sunt sos el…

Bertso migrante

Immagine
“This land is your land”, nât tziu Woody
Sa terra no est petzi mea
Pro sos migrantes fraternidade
lugat contra a s’odissea
A cadaunu sa libertade
dae su bisòngiu, s’idea.
Traballadores de mundu intreu
siat unidade tarea

In sa traditzione de sos bertsolaris, sos improvisadores bascos, agatamus su zortziko (zortzi cheret nàrrere oto). Su zortziko podet èssere txikia (minore) o handia (majore) cunforma a sas sìllabas impreadas: sete e ses (13) o deghe e oto (18) in cada una de sas bator duinas (a custu segmentu de duos versos li narant puntu).

Su Slam: sa fortza de su versu cun boghes, carenas e sentidos

Immagine
No est cosa fàtzile a chistionare de poesia performativa in unu cuntestu che a su nostru, dominadu dae sas garas a bolu e dae sos cuncursos a taulinu. Duos mundos chi, comente podimus lèghere in sa cuntierra istòrica intre tziu Barore Sassu e Prantaferru, si sunt brigados prus de una bia in su tempus coladu. Cuntierras a banda, sa gara a bolu ischimus ite est: rialia improvisada ma sena pannu nen giuria. E su cuncursu literàriu? Versos iscritos e firmados cun pseudònimu; giuria de espertos; letura eventuale de sa poesia su die de sa premiatzione. Sa poesia performativa, connota mègius comente "Poetry slam" cunforma a sa terra de orìgine (addae de s'Atlànticu), est un'àtera cosa. Dòminat sa boghe, ma no est un'arte improvisada; sos versos los leghent in su palcu, ma no est unu "reading"; est una gara cun giuria, ma a sos giùighes los sèberant intre su pùblicu o los sorteant.  «Est una cherta de libertade, a su nessi pro pagu tempus, petzi pro mèdiu de s…