Naufràgios in mare




In parcu ‘e Prammas* Sassu e Cubeddu
deviant in versos issos seberare
ca postu bi l’aiant su mermeddu:
isposa o mama deviant sarvare!

Ma pro s’amore sutu e pro s’aneddu
o «ambas duas» o «morrer impare».
E oe b’at chie narat chi a su nieddu
chi in cue nche lu diant poder lassare

comente chi non siat maridu o fìgiu...
comente chi non siat una persone...
comente chi non tèngiat una boghe

chi cantet un’isperu, unu disìgiu.
Ma ammentet - chie lu narat - chi in barcone
b’at gente istràngia e gente de inoghe!

La timat intre pòberos s’unione...

*Palmas Arborea, 1946, festa de S. Antiogu
primu tema: "Naufragiu in mare, in cumpagnia cun mamma e Isposa, ma nde podet salvare una sola"

Post popolari in questo blog

Adiosu Vitòriu

Veleta (omenàgiu a Garcia Lorca)

Sonetos de Shakespeare - 1