Fogos in su note de Santu Giuanne (Csi)

Nênde a sàgamu-sàgamu assoliadas umbras
istracas de arrennegos tumbosos e de fàulas
Longas de istremenados filos in fila longa
surdas a sos tumbos de carenas a terra ghetadas
Luego àeras a ruju tinghent su sero
ch’intre àstragos asulos e àrridas istèrridas bàntzigat
Assèlia pensamentos e manos
in custu bizadòrgiu pone·mi paghe a coro

Gasi est su mundu, e gasi dêt èssere
Gasi est su mundu, e gasi dêt èssere

In suta ‘e chelos istudados càntigos de chie
nàschidu a sa terra como de voluntade e isperos allutos
lu prendent energias movende·si a sa dantza, dantza...

Est festa custu note tribù malefadadas
peri su logu isentas e fogos solitàrios malos a bider galu paris
E càntigos àrtziant e movet sa dantza
E càntigos àrtziant e movet sa dantza, dantza, dantza, dantza, dantza

Morint sicos e betzos preìderos
e morint pastores sena gama
Gherreris assustados, perdidos a s’arrivu biagiantes
Privados de sièntzia e de sabidoria
Fartosa sa resone, ischida ingenuidade
Ma sighint sos càntigos e movet sa dantza

Assèlia pensamentos e càntigu
in custu bizadòrgiu pone·mi paghe a coro

Gasi est su mundu, e gasi dêt èssere
Gasi est su mundu, e gasi dêt èssere
B’at chie b’est e non b’at chie non b’est
B’at chie b’est e non b’at chie non b’est

Istadu est chie fiat e chie fiat no lu est
B’at chie b’est e non b’at chie non b’est
B’at chie b’est e non b’at chie non b’est
Ma sighint sos càntigos e movet sa dantza
Ma sighint sos càntigos e movet sa dantza
dantza, dantza, dantza, dantza, dantza, dantza, dantza, dantza...

(Gasi est su mundu, e gasi dêt èssere...)

Post popolari in questo blog

Veleta (omenàgiu a Garcia Lorca)

Sonetos de Shakespeare - 1

Una moda de classe de tziu Remundu Piras